اسلام آباد: وفاقی وزیر برائے سائنس و ٹیکنالوجی فواد چوہدری اور پیپلزپارٹی کے چیئرمین بلاول بھٹو زرداری کے درمیان ٹوئٹر پر جاری لفظی جنگ نے سب کو اپنی طرف متوجہ کر دیا۔
بلاول زرداری کی جانب سے دہشتگردوں کی مذمت کرنے پر فواد چوہدری نے طنزیہ ٹویٹ کیا کہ خر قمر واقعہ پرمحسن داوڑ کی حمایت اور آج کے نامعلوم قاتلوں کی مذمت سے بلاول بھٹو کی دوہری سیاست ظاہر ہوتی ہے۔
انہوں نے سوال کیا کہ کیا آپ شہداء کے خون پر سیاست کر رہے ہیں؟
Supporting Mohsin Dawar on attack on Kharkamar Check Post by,while condemning today unidentifiable attacker shows Dual Politics of BBZ,, …… playing Politics with blood of shaheeds.?
Say no to Politics on martyrs blood— Ch Fawad Hussain (@fawadchaudhry) June 1, 2019
اس کے جواب میں بلاول زرداری، فواد چوہدری پر برس پڑے اور اوپر تلے کئی ٹویٹس کر ڈالیں۔
انہوں نے کہا کہ جب آپ کا رہنما دہشت گردوں کو بھائی کہتا تھا میں اس وقت بھی فوج پر دہشت گردوں کے حملے کی مذمت کرتا تھا اور آج بھی کرتا ہوں۔
چیئرمین پاکستان پیپلزپارٹی نے کہا کہ اس کو تسلسل کہتے ہیں جس کا آپ کو کچھ علم نہیں، محسن اور علی وزیر ارکان اسمبلی ہیں، دہشت گرد نہیں۔
While your current leader called terrorists his brothers I was condemning terrorist attacks on our soldiers & still do today. Thats called consistency, something understandably alien to you. Dawar & Wazir are MNAs not terrorists. Asking speaker to follow rules… https://t.co/qKGIrAUA7F
— BilawalBhuttoZardari (@BBhuttoZardari) June 1, 2019
بلاول کا غصہ پھر بھی ٹھنڈا نہ ہوا اور انہوں نے اگلےٹویٹ میں لکھا کہ بطور ایک وکیل کے آپ بھی اس بات پر یقین رکھتے ہیں کہ آئین کی شق 10 اے کے تحت ہر شخص کو فیئر ٹرائل کا حق حاصل ہے۔
… and calling for a commission is supporting facts, truth & democracy not any individual. Surely as a lawyer you believe everyone is entitled to a fair trial under Article 10A of the constitution? Professional turncoats should really not talk about ‘dual politics’.
— BilawalBhuttoZardari (@BBhuttoZardari) June 1, 2019
انہوں نے فواد چوہدری کو براہ راست مخاطب کرتے ہوئے کہا کہ پیشہ ور بھگوڑوں کو دوہری سیاست پر بات نہیں کرنی چاہیے، آپ کا وزیرداخلہ دہشت گردوں کا سہولت کار ہے اور ریلوے کا وزیر کالعدم تنظیموں کی حمایت کرتا ہے۔
Ps: Speaking of terrorists. your interior minister is a terrorist facilitator & your railway minister still publicly expresses support for banned organizations.
— BilawalBhuttoZardari (@BBhuttoZardari) June 1, 2019
