اسلام آباد: وزیراعطم کی معاون خصوصی برائے اطلاعات و نشریات ڈاکٹر فردوس عاشق اعوان نے پاکستان پیپلزپارٹی کے مرکزی رہنما قمرالزماں کائرہ کو براہ راست مخاطب کرتے ہوئے کہا ہے کہ کائرہ صاحب! پرویز مشرف سے این آر او لینے اور حلف اٹھانے والوں کے منہ سے ’چلتا کرنے‘ کی باتیں زیب نہیں دیتی ہیں۔
ن لیگ کی حکومت نے لفافہ کلچر شروع کیا تھا، فردوس عاشق اعوان
کائرہ صاحب! پرویز مشرف سے این آر او لینے اور حلف اٹھانے والوں کے منہ سے ”چلتا کرنے” کی باتیں زیب نہیں دیتیں۔حکومت نہیں آپکی جماعت مختلف فیزز میں تباہ ہو رہی ہے اوراس تباہی کا ملبہ آپکی قیادت کے سر ہے۔نیب پر گرجنے برسنے والوں کانیب آرڈیننس پڑھے بغیر سیاست کرنا شرمناک ہے۔
— Firdous Ashiq Awan (@Dr_FirdousPTI) December 29, 2019
ہم نیوز کے مطابق انہوں نے سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں کہا ہے کہ حکومت نہیں، آپ کی جماعت مختلف مراحل (فیزز) میں تباہ ہورہی ہے۔
ڈاکٹر فردوس عاشق اعوان نے اپنے پیغام میں مؤقف اختیار کیا ہے کہ اس تباہی کا ملبہ آپ کی قیادت کے سر ہے۔
آپ کو تکلیف یہ ہے کہ عمران خان نے کرپشن کے گٹھ جوڑ پر کاری ضرب کیوں لگائی؟ خود کو عقلِ کُل سمجھنے والے کرپشن کا دفاع کر رہے ہیں۔اقتدار کی دوری نے آپ کو بوکھلاہٹ کا شکار کردیا ہے۔ آپ کے جمہوری آئینی پارلیمانی روایات کی پاسداری کے جھوٹے دعوے بے نقاب ہو چکے ہیں۔
— Firdous Ashiq Awan (@Dr_FirdousPTI) December 29, 2019
وزیراعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے اپنے پیغام میں کہا ہے کہ نیب پر گرجنے برسنے والوں کا نیب آرڈی ننس پڑھے بغیر سیاست کرنا شرمناک ہے۔
ہم نیوز کے مطابق انہوں نے کہا کہ آپ کو تکلیف یہ ہے کہ عمران خان نے کرپشن کے گٹھ جوڑ پر کاری ضرب کیوں لگائی؟
ڈاکٹر فردوس عاشق اعوان نے مؤقف اختیار کیا ہے کہ خود کو عقل کل سمجھنے والے کرپشن کا دفاع کر رہے ہیں۔ ان کا کہنا تھا کہ اقتدار کی دوری نے آپ کو بوکھلاہٹ کا شکار کردیا ہے۔
ایک جماعت کو بے نظیر کی یاد صرف برسی پر ستاتی ہے، فردوس عاشق
ہم نیوز کے مطابق سماجی رابطے کی ویب سائٹ پر جاری کردہ اپنے پیغام میں انہوں نے کہا ہے کہ آپ کے جمہوری، آئینی اور پارلیمانی روایات کی پاسداری کے جھوٹے دعوے بے نقاب ہو چکے ہیں۔
