رابی پیرزادہ کا بچوں کی تعلیم کیلئے مالی امداد کا اعلان 

جو اپنے جسم کو اللہ کی مرضی سے آزاد کر دے وہ عورت نہیں، رابی پیرزادہ

سابق گلوکارہ رابی پیرزادہ نے مستحق بچوں کو مفت تعلیم دینے اور ان کی مالی معاونت کرنے کا اعلان کیا ہے۔

سماجی رابطوں کی ویب سائٹ ٹوئٹر پر شیئر کیے گئے ایک پیغام میں انہوں نے ایک ویڈیو اپ لوڈ کی ہے جس کے ساتھ تحریر کیا ہے کہ اگر والدین بچوں کو ان کے پاس تعلیم حاصل کرنے کے لیے بھیجیں گے تو وہ ان کے گھر کا خرچ اٹھانے میں مدد کریں گی۔

رابی نے لکھا کہ تعلیم حاصل کرنے والے بچوں میں اگر لڑکے ان کے پاس پڑھنے آئیں گے تو وہ انہیں 500 روپے دیں گی اور اگر لڑکیاں آئیں گی تو انہیں 1000 روپے دیں گی۔

اداکارہ کی جانب سے شیئر کی گئی ویڈیو میں چند بچے ان کی کیلی گرافی آرٹ کی تصاویر ہاتھ میں اٹھائے ہوئے ہیں، رابی کا کہنا ہے کہ وہ بچوں کی تعلیم اور مالی معاونت کا خرچ امداد کے پیسوں سے نہیں بلکہ اپنی محنت سے کروں گی۔

خیال رہے کہ رابی پیرزادہ آج کل کیلی گرافی کرتی ہیں اور چند روز قبل انہوں نے اپنے کیلی گرافی آرٹ کی نمائش کا اعلان بھی کیا تھا۔

رابی پیرزادہ نے سب سے درخواست کی ہے کہ ان کا کیلی گرافی آرٹ زیادہ سے زیادہ خریدیں تاکہ وہ زیادہ سے زیادہ بچوں کو تعلیم کے زیور سے آراستہ کر سکیں۔


متعلقہ خبریں