کراچی: سندھ میں کورونا کیسز کی تعداد12 ہزار 670ہوگئی ہے جب کہ218 افراد جان کی بازی ہار چکے ہیں۔
وزیراعلیٰ سندھ مراد علی شاہ نے بتایا کہ گزشتہ 24 گھنٹوں کے دوران ان کے صوبے میں 593نئے کیسز اور18 اموات رپورٹ ہوئی ہیں۔
کراچی میں 412نئے کیسز رپورٹ ہوئے اور شہر میں کورونا کےمریضوں کی مجموعی تعداد9ہزار494 ہوگئی ہے۔
ضلع جنوبی124، ضلع شرقی92 اور وسطی میں63نئے کیسز رپورٹ ہوئے ہیں۔ کورنگی51، ضلع غربی45اورملیرمیں37مزیدکیسز سامنے آئے ہیں۔
یہ بھی پڑھیں: کورونا وائرس، پاکستان میں 700 سے زائد افراد جاں بحق
سندھ کے ضلع جیکب آباد میں41، حیدرآباد24، گھوٹکی22 اورسکھرمیں9نئے کیسزسامنے آئے ہیں۔ ٹنڈوالہٰ یار4، لاڑکانہ3، ٹنڈومحمدخان اورخیرپورمیں دودومزیدمثبت کیسزآئے۔
وزیراعلیٰ نے بتایا کہ صونہ سندھ میں82مریضوں کی حالت تشویشناک ہے اور27 وینٹی لیٹرز پر ہیں۔ گزشتہ24 گھنٹوں میں کل4064 ٹیسٹ ہوئے۔ 4064ٹیسٹ میں 593 مثبت آئے۔
اب تک سندھ میں99117 ٹیسٹ کیے گئے ہیں جن میں سے12610 مثبت آئے۔ اس وقت10163 میں مریض زیرعلاج ہیں۔
مرادعلی شاہ کا کہنا تھا کہ گزشتہ روز لاک ڈاوَن کی ایس او پیز پر کسی نے عمل نہیں کیا۔ ایسا طریقہ کار نہ اپنایا جائے کہ حکومت کو دوبارہ سختی کرنا پڑے۔
سرکاری اعداد و شمار کے مطابق پاکستان میں مئی کے پہلے 11 دنوں میں کُل 120273 ٹیسٹس کیے گئے ہیں جس کی یومیہ اوسط 10934 ٹیسٹس فی دن بنتی ہے۔
پاکستان میں پنجاب میں سب سے زیادہ 49 ہزار سے زیادہ ٹیسٹس کیے گئے ہیں جبکہ سندھ میں یہ تعداد 40 ہزار سے زیادہ ہے۔
حکومت پاکستان نے گزشتہ ماہ کہا تھا کہ وہ اپریل کے آخر تک یومیہ 20 سے 25 ہزار ٹیسٹس کرنے کے قابل ہو جائیں گے۔ اب تک پاکستان نے ایک روز میں سب سے زیادہ ٹیسٹس نو مئی کو کیے تھے جن کی تعداد 13 ہزار سے زیادہ تھی۔
پنجاب میں کورونا وائرس کے11 ہزار 869، خیبرپختونخوا 4,875، بلوچستان 2,061، اسلام آباد 716، آزاد کشمیر 86 اورگلگت بلتستان میں 457 افراد میں وائرس کی تصدیق ہوئی ہے۔
خیبرپختونخوا میں کورونا وائرس سے سب سے زیادہ 257 اموات ہوئی ہیں۔ سندھ میں 218، پنجاب میں 211، بلوچستان 27، اسلام آباد 06 اور گلگت بلتستان میں کورونا سے 4 افراد جاں بحق ہوئے۔ آزاد کشمیر میں بھی کورونا وائرس کے سبب ایک فرد جان کی بازی ہار گیا۔
