لاہور: پنجاب میں کورونا وائرس کے مزید ایک ہزار 813 کیسز سامنے آ گئے جبکہ مزید 32 افراد موت کے منہ میں چلے گئے۔
پرائمری اینڈ سیکنڈری ہیلتھ کیئر کی رپورٹ کے مطابق پنجاب میں کورونا کیسز کی مجموعی تعداد 38 ہزار 903 ہو گئی ہے۔ لاہور میں مزید ایک ہزار 45 افراد، ننکانہ میں 4 افراد، قصور میں 22 افراد، شیخوپورہ میں 14 افراد اور راولپنڈی میں 128 افراد کورونا مبتلا ہوئے۔
جہلم میں مزید 12 افراد، چکوال میں ایک، گوجرانوالہ میں 36 اور سیالکوٹ میں 31 کیسز رپورٹ ہوئے۔ نارووال میں ایک، گجرات میں 11، حافظ آباد میں 3، منڈی بہاؤ الدین میں 2 اور ملتان میں 143 کیسز رپورٹ ہوئے۔
رپورٹ کے مطابق خانیوال میں 7، وہاڑی میں 10، فیصل آباد میں 148، چنیوٹ میں 25، ٹوبہ ٹیک سنگھ میں 32 اور جھنگ میں ایک کیس رپورٹ ہوا۔
یہ بھی پڑھیں پی ٹی آئی رکن اسمبلی جئے پرکاش کا کورونا ٹیسٹ مثبت آگیا
پنجاب میں کورونا وائرس سے مزید 32 افراد کی موت کے بعد صوبے میں اموات کی تعداد 715 ہو چکی ہے۔
پاکستان میں کورونا وائرس سے متاثر ہونے والے افراد کی تعداد 1 لاکھ 3 ہزار 671 افراد میں اس وائرس کی تشخیص ہو چکی ہے جب کہ 2 ہزار 67 افراد جان کی بازی ہار گئے ہیں۔
نیشنل کمانڈ اینڈ آپریشن سنٹر کی جانب سے جاری کیے گئے اعدادوشمار کے مطابق گزشتہ 24 گھنٹوں کے دوران 4 ہزار 728 نئے کیسز رپورٹ ہوئےجبکہ مزید 65 افراد جاں بحق ہوئے ہیں۔ ملک بھر میں کورونا سےمتاثرہ 34 ہزار 355 مریض صحتیاب ہو گئے۔
پاکستان کا صوبہ پنجاب میں کورونا کے سب سے زیادہ مریض ہیں جہاں اب تک 38 ہزار 903 کیسز رپورٹ ہو چکے ہیں۔ سندھ میں 38 ہزار 108، خیبرپختونخوا میں 13 ہزار 487، بلوچستان میں 6 ہزار 516، اسلام آباد میں 5 ہزار 329، آزادکشمیر میں 396 اور گلگت بلتستان میں 932 کیسز رپورٹ ہوئے ہیں۔
کورونا وائرس کے باعث سب سے زیادہ اموات پنجاب میں ہوئی ہیں جہاں 715 افراد جان کی بازی ہار چکے ہیں۔ سندھ میں 650، خیبر پختونخوا میں 575، اسلام آباد میں 52، گلگت بلتستان میں 13، بلوچستان میں 54 اور آزاد کشمیر میں 8 افراد کورونا وائرس سے جاں بحق ہو چکے ہیں۔
