اسلام آباد: وزیراعظم عمران خان نے کہا ہے کہ کورونا کی وجہ سے بیروزگار ہونے والے افراد کی تعداد سندھ میں دیگر صوبوں سے زیادہ ہے۔
وزیراعظم نے کراچی اور لاہور کے مسائل کا حل بتادیا
ہم نیوز کے مطابق سماجی رابطوں کی ویب سائٹ ’ ٹوئٹر‘ پر جاری کردہ اپنے ایک پیغام میں انہوں نے کہا ہے کہ سندھ کی آبادی ملک کی کل آبادی کا 22 فیصد ہے لیکن موصول شدہ درخواستوں میں سے 32 فیصد سندھ سے آئی تھیں۔
میرے وزیراعظم ریلیف فنڈ کی جانب سے موصول شدہ درخواستوں کے مطابق سندھ میں غربت اور کروناء کے باعث بے روزگار ہونے والوں کا تناسب دیگر صوبوں کے مقابلے میں کہیں زیادہ ہے۔ موصول شدہ درخواستوں میں سے32% سندھ سے آئیں جبکہ پاکستان کی مجموعی آبادی کا 22% حصہ سندھ میں بستا ہے۔
— Imran Khan (@ImranKhanPTI) June 17, 2020
وزیراعظم عمران خان نے اپنے ٹوئٹر پیغام میں لکھا ہے کہ ریلیف فنڈ کے لیے سندھ سے 32 فیصد افراد نے درخواستیں دی تھیں۔
ماضی کے حکمرانوں نے اقتدار کو ذاتی مفاد کیلئے استعمال کیا، وزیراعظم
ان کا کہنا ہے کہ لاڑکانہ میں فنڈ تقسیم کرنے کے دوران دیکھا کہ بیروزگار ہونے والوں میں بڑی تعداد چھابڑی والوں کی ہے جنہیں سندھ پولیس نے کام سے روک دیا ہے۔
لاڑکانہ میں امدادتقسیم کرتےہوئےمیں نےدیکھاکہ بیروزگارہونےوالوں میں بڑی تعدادچھابڑی والوں کی ہےجنہیں پولیس نے کام سےروک دیا۔میں نےگورنرسندھ کوہدایت کی ہےکہ وزیراعلیٰ سےمعاملہ اٹھائیں کیونکہ یہ غریب سماجی فاصلےنظراندازنہیں کرتےاورانکےاہل خانہ کی بقاءکاانحصارانکی روزمرہ کی آمدن پرہے
— Imran Khan (@ImranKhanPTI) June 17, 2020
وزیراعظم عمران خان نے اپنے ٹوئٹر پیغام میں لکھا ہے کہ میں نے گورنر سندھ کو ہدایت کی ہے کہ وہ وزیراعلیٰ سے یہ معاملہ اٹھائیں۔
ہم نیوز کے مطابق وزیراعظم عمران خان نے اپنے پیغام میں مؤقف اختیار کیا ہے کہ یہ غریب سماجی فاصلے نظر انداز نہیں کرتے ہیں۔
وزیراعظم: حکومتی فیصلوں کے ثمرات عوام تک پہنچانے کی ہدایت
وزیراعظم عمران خان نے ٹوئٹر پیغام میں کہا ہے کہ ان کے اہل خانہ کی بقا ک اانحصار ان کی روز مرہ کی آمدن پر ہے۔
