امریکہ چارخواتین کا ’دی سکواڈ‘ کہلانے والا گروپ ایک بار پھر امریکی ایوان میں آنے کو تیار ہیں۔
امریکی صدر کے نسل پرستانہ حملوں کا مقابلہ کرنے والی ہسپانوی، عرب، صومالی اور افریقی خواتین نے اپنے اپنے حلقوں میں الیکشن جیت لیا ہے۔
الہان عمر، رشیدہ طالب، الیگزینڈریا اوکاسیو اور آیانا پریسلے نے ایک بار پھر اپنی نشستوں پر کامیابی حاصل کر لی۔
ڈونلڈ ٹرمپ کی شدید تنقید کے باوجود سینیٹ کی چاروں خواتین نے کلین سوئپ کیا ہے۔ امریکی ڈیموکریٹک پارٹی کی باحجاب مسلمان رہنما الہان عمر نے منی سوٹا سے 64 فیصد ووٹ حاصل کر کے ناقدین کو کرارا جواب دیا ہے۔
یہ بھی پڑھیں:امریکہ میں انتخابات2020کےنتائج
امریکی ریاست مشی گن سے ڈیموکریٹک پارٹی کی فلسطینی نژاد مسلمان خاتون راشدہ طالب نے بھی 67 فیصد ووٹوں کے ساتھ اپنی جیت برقرار رکھی ہے۔ راشدہ طالب دو ہزار آٹھ میں مشی گن اسمبلی میں منتخب ہونے والی پہلی خاتون مسلمان رکن تھیں۔
یہ بھی پڑھیں:الہان عمر ریاست منی سوٹا سے ایک بار پھر کامیاب
چار سالوں سے امریکی صدر ٹرمپ کے خلاف کھڑی ہونے والی الیگزینڈریا اوکاسیوکورٹیز بھی نیویارک سے 68 فیصد ووٹ حاصل کر کے اپنی نشست پر کامیاب رہیں۔
دی سکواڈ کی چوتھی رکن سیاہ فام آیانا پریسلے نے بھی 87 فیصد ووٹوں کے ساتھ میساچوسٹس سے اپنی جیت کو برقرار رکھا ہے۔
