واشنگٹن: امریکہ میں 24 گھنٹوں میں کورونا کے ریکارڈ 1 لاکھ 60 ہزار سے زائد کیسز رپورٹ ہوئے ہیں۔
عالمی خبر رساں ادارے کی رپورٹ کے مطابق امریکہ میں کورونا کیسز کی مجموعی تعداد ایک کروڑ 8 لاکھ سے بڑھ گئی ہے۔
رپورٹ کے مطابق گزشتہ 24 گھنٹوں میں کورونا سے ایک ہزار سے زائد اموات کے بعد امریکہ میں ہلاکتوں کی مجموعی تعداد 2لاکھ 48 ہزار سے بڑھ گئی ہے۔
خیال رہے کہ عالمی وبا کے سبب دنیا میں 5 کروڑ 30 لاکھ 90 ہزار778 افراد متاثر ہو چکے ہیں اور 12 لاکھ 99 ہزار 400 اموات ہوئی ہیں۔
اب تک کورونا کے 3 کروڑ72 لاکھ 10ہزار سے زائد مریض صحت یاب ہوچکے ہیں اور ایک کروڑ 45 لاکھ 80 ہزار سے زائد زیرعلاج ہیں۔
بھارت کورونا کیسز کے اعتبار سے دنیا میں دوسرے نمبر پر ہے جہاں اموات کی تعداد ایک لاکھ 28 ہزار686 اور 87 لاکھ 27 ہزار سے زائد افراد میں وائرس کی تشخیص ہو چکی ہے۔
برازیل میں کورونا سے ہونے والی اموات کی مجموعی تعداد ایک لاکھ 64 ہزار322 اور57 لاکھ 83 ہزار سے زائد افراد متاثر ہیں۔
یہ بھی پڑھیں: کورونا متاثرین، ہر پانچواں شخص ذہنی مسائل کا شکار ہوسکتا ہے
فراانس میں 18 لاکھ 98 ہزار سے زائد افراد متاثر اور42 ہزار960جان کی بازی ہار چکے ہیں۔ روس میں 18 لاکھ 18ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد32 ہزار32تک پہنچ چکی ہے۔
اسپین میں14لاکھ 84 ہزار سے زائد افراد متاثر ہیں جبکہ40 ہزار461افراد ہلاک ہوچکے ہیں۔ ارجنٹینا میں بھی 12 لاکھ 84 ہزار سے زائد افراد متاثر اور 34 ہزار482 ہلاک ہوئے ہیں۔
دنیا بھرمیں آخری ایک کروڑ کیسز صرف 21 دن میں رجسٹرڈ ہوئے۔ پہلے کیس سے ایک کروڑ کیس تک 223 دن لگے تھے۔
پہلے کیس سے ڈھائی کروڑ کیس تک کورونا نے 284 دن کا وقت لیا۔ آخری ڈھائی کروڑ کیسز صرف 71 دن میں رجسٹرڈ ہوئے۔
کورونا وائرس کا پہلا کیس 17 نومبر 2019کو رجسٹر ہواتھا۔21 مئی کو کیسز کی تعداد50 لاکھ ہوگئی۔27 جون کو کیسز نے ایک کروڑ کا ہندسہ عبور کیا۔
