لندن: علامی ادارہ صحت (ڈبلیو ایچ او) نے یورپ میں نئے کورونا وائرس کے خطرات سے بچنے پر زور دیا ہے۔
ڈبلیو ایچ او کا کہنا ہے کہ نیا کورونا زیادہ تیزی کے ساتھ لوگوں میں منتقل ہو سکتا ہے۔ یورپی ممالک کورونا وائرس سے نمٹنے کے لیے ہنگامی اقدامات مزید تیز کریں۔
یہ بھی پڑھیں: کورونا: مغربی ممالک نے برطانیہ کے ساتھ سفری پابندیاں لگا دیں
خیال رہے کہ چند روز قبل برطانیہ میں کویڈ 19 کی نئی قسم سامنے آئی تھی۔
برطانوی وزیرصحت میٹ ہینکاک نے کہا تھا کہ لندن میں ایک ہفتے کے دوران نئی طرزکے کورونا کیسز سامنے آئے جس سے نمٹنے کے لیے سخت اقدامات ناگزیر ہیں۔
عالمی ادارہ صحت کا کہنا تھا کہ برطانیہ میں کورونا کی نئی قسم سے آگاہ ہیں، نئے وائرس سے برطانیہ میں ایک ہزار لوگ متاثر ہوئے ہیں۔
ڈبلیو ایچ او کے ایمرجنسی ایکسپرٹ مائیک ریان نے پریس کانفرنس میں کہا کہ لندن میں نئے وائرس کے موجودہ کورونا سے مختلف ہونے کا ابھی تک ثبوت نہیں ملا، یہ وائرس وقت کے ساتھ ساتھ بدلتا رہتا ہے۔
کورونا کے بڑھتے پھیلاؤ کے سبب لندن میں کورونا کی پابندیاں مزید سخت کرنے کا اعلان کیا گیا ہے۔
یہ بھی پڑھیں: بچوں کے لیے کورونا ویکسین کب تک دستیاب ہو گی؟
دوسری جانب امریکا اور کینیڈا میں پہلی کورونا ویکسین لگا دی گئی ہے۔ دونوں ممالک میں کورونا کی پہلی ویکسین طبی عملے کے ایک رکن کو دی گئی۔
