کیمبرج ہوٹل سے ایک خودکار ویکیوم کلینر ہوٹل کے عملے کو چکر دے کر فرار ہونے میں کامیاب ہو گیا۔
انتظامیہ کے مطابق ان کے پاس 4 ویکیوم کلینر تھے، جو ہوٹل کی صفائی میں بڑا اہم کردار ادا کرتے ہیں، لیکن انہیں آزادی کی خواہش بھی ہو گی یہ انہوں نے کبھی نہیں سوچا تھا۔
یہ بھی پڑھیں: انوکھا احتجاج، ہالینڈ میں میوزیم ہئیر سیلون بن گئے
عملے کا کہنا ہے کہ ویکیوم میں ایسی ٹیکنالوجی نصب ہے، جو مین دروازے کو ڈیٹکٹ کرنے کی صلاحیت رکھتی ہے، جس سے یہ ویکیوم واپس آجاتے ہیں، اور کبھی دروازے سے باہر نہیں گئے۔
لیکن اس بار ویکیوم چپکے سے باہر نکل گیا اور واپس نہیں آیا، انتظامیہ نے بتایا کہ انہیں اس کے غائب ہونے کی اطلاع 15 منٹ بعد ملی، جس کے بعد تلاش کی گئی لیکن وہ اسے ڈھونڈ نہیں سکے۔
ہوٹل عملے نے لوگوں سے اپیل بھی کی کہ وہ اس کھو جانے والے ویکیوم کو ڈھونڈنے میں ان کی مدد کریں۔
ہوٹل کے اسسٹنٹ منیجر نے اس بات سے بھی آگاہ کیا کہ اگر کسی نے اسے اپنے پاس رکھ لیا ہے تو اس کا کوئی فائدہ نہیں ہوگا، کیونکہ وہ صرف ہوٹل کے چارجر کے ساتھ ہی چارج ہو سکتا ہے۔
تاہم ہوٹل عملے کو سکھ کا سانس اس وقت آیا جب اگلے ہی روز یہ ویکیوم کلینر ایک قریبی جھاڑی میں الجھا ہوا برآمد ہو گیا۔
