وائلڈ لائف فوٹوگرافی کے سالانہ مقابلے کی مختلف کیٹیگریز میں 93 ممالک کے فوٹوگرافروں کی 38 ہزار سے زائد تصویریں شامل کی گئیں۔
مقابلے میں سال کے بہترین فوٹو گرافر کا ایوارڈ امریکی خاتون کے نام رہا جنہوں نے شہد کی مکھیوں کے ایک جھرمٹ کی تصویر خوبصورت انداز میں بنائی۔
ینگ وائلڈ لائف فوٹوگرافر آف دی ایئر 2022 کا دوسرا اہم ٹائٹل تھائی لینڈ کے 16 سالہ فوٹو گرافر نے جیتا، جس کی تصویر نے وہیل مچھلی کے رنگوں کو نمایاں کیا۔
وائلڈ لائف فوٹوگرافر آف دی ایئر مقابلے میں بڑی تصویر کی کیٹیگری میں ۔۔ ڈائینگ لیک ۔۔ کی ڈرون تصویر کو منتخب کیا گیا۔
کینری جزیرے میں خوبصورت انداز بنائے پرندے کی تصویر بھی ٹاپ پر رہی۔
اربن وائلڈ لائف کیٹیگری میں سفید ریچھوں کے گھر کی تصویر فاتح رہی۔
نیلے پانیوں پر کھڑے فلیمنگو کو نیچرل کیٹگری میں شامل کیا گیا۔
رینگنے والے جانوروں میں سانپ کے چمگادڑ کے شکار کی تصویر بھی بہترین تصویر قرار پائی۔
اپنے نگران کے سینے پر سر رکھے گوریلا کی موت نے فوٹو جرنلزم کیٹیگری میں اپنا نام بنایا۔
سمندر میں اسٹار فش کے خوبصورت رقص نے بھی مقابلے میں جگہ بنائی۔
مقابلے کی سرفہرست تصاویر کو 14 اکتوبر کو لندن کے نیچرل ہسٹری میوزیم میں نمائش کیلئے پیش کیا جائے گا۔
