لاہور: وزیراعلیٰ پنجاب چودھری پرویز الٰہی نے کہا ہے کہ ایف اے ٹی ایف کی گرے لسٹ سے نکلنے پر اللہ تعالیٰ کا شکر بجا لاتے ہیں، پاکستان کا نام ایف اے ٹی ایف کی گرے لسٹ سے نکلنا قوم کی بہت بڑی فتح ہے۔
فیٹف، گرے لسٹ سے نکلنے میں پاک فوج کے سربراہ نے کلیدی کردار ادا کیا
ق لیگ کے مرکزی رہنما چودھری پرویزالہٰی نے کہا کہ عمران خان اور آرمی چیف جنرل قمرجاوید باجوہ اس کامیابی کے اصل ہیرو ہیں، کامیابی کا سہرا عمران خان اور ان کی ٹیم کو جاتا ہے، آرمی چیف جنرل قمر جاوید باجوہ نے اس کامیابی میں اپنا بھرپور کردار ادا کیا۔
انہوں نے کہا کہ پی ڈی ایم حکومت کا گرے لسٹ سے نکلنے میں وہی رول ہے جو کرکٹ میچ میں بارہویں کھلاڑی کا ہوتا ہے۔
فیٹف نے پاکستان کو گرے لسٹ سے نکال دیا
وزیراعلیٰ پنجاب چودھری پرویز الٰہی نے کہا کہ مسلم لیگ ن کے دور میں پاکستان کو گرے لسٹ میں ڈالا گیا، ن لیگ کو ڈھٹائی سے اس کامیابی کا کریڈٹ لیتے ہوئے شرم آنی چاہیے۔
