پرویز الٰہی کے سابق پرنسپل سیکرٹری کے اعترافی بیان میں سنسنی خیز انکشافات


سابق وزیراعلیٰ پنجاب چودھری پرویز الٰہی کے سابق پرنسپل سیکرٹری محمد خان بھٹی نے اعترافی بیان میں سنسنی خیز انکشافات کر دیئے ہیں۔

انہوں نے اعتراف کیا کہ رقم گھر اور باہر نقد وصول کرتا ہوں، ایکسین رانا اقبال ہر کام میں میرے ساتھ ہوتا ہے۔ گھوٹکی میں شوگر مل سے 25 کروڑ روپے کی چینی خریدی، رحیم یار خان کی شوگر مل میں دس کروڑ روپے کا سرمایہ لگایا، حاصل ہونے والی آمدن سے ہر ایک نے حصہ لیا۔

محمد خان بھٹی نے چودھری پرویز الٰہی اور مونس الٰہی کے خلاف اعترافی بیان دے دیا

انہوں نے اعتراف کیا کہ 10 کروڑ روپے گاڑیوں کی خرید و فروخت میں خرچ کئے۔

پنجاب اسمبلی میں 4 سو زائد ملازمین کی بھرتی کے حوالے سے سوال پر جواب دیا کہ سیکرٹری پنجاب نے انٹرویو کئے، مجاز اتھارٹی میں ہی تھا۔

سابق پرنسپل سیکرٹری محمد خان بھٹی کروڑوں روپے کی جائیداد کے مالک نکلے۔


متعلقہ خبریں