چیف جسٹس سے سینیئر وکلاء اعتزاز احسن اور لطیف کھوسہ کی ملاقات


چیف جسٹس عمر عطا بندیال سے پیپلز پارٹی رہنما اعتزاز احسن اور سینیئر وکیل لطیف کھوسہ نے ملاقات کی، ملاقات میں کیسز کی جلد سماعت کے حوالے سے گفتگو ہوئی۔

چیف جسٹس عمر عطا بندیال سے ملاقات میں لطیف کھوسہ کی جانب سے کہا گیا کہ امید ہے ہمارے کیس جلد سماعت کیلئے مقرر ہوں گے۔ ہم نے کیس جلد سماعت کی درخواست بھی دائر کر رکھی ہے۔

لطیف کھوسہ کی پارٹی رکنیت معطل، قیادت کیخلاف بلیک میلنگ کا الزام

خیال رہے گزشتہ روز یہ خبر سامنے آئی تھی کہ پاکستان پیپلز پارٹی نے لطیف کھوسہ کی پارٹی رکنیت ختم کردی تھی۔ پارٹی رکنیت ختم کرنے کا حکم نامہ پیپلز پارٹی پنجاب کے صدر رانا فاروق سعید کی طرف سے جاری کیا گیا تھا۔

اس سے قبل گزشتہ دنوں لطیف کھوسہ اور چیئرمین پی ٹی آئی کے درمیان ملاقات بھی ہوئی تھی۔ ملاقات میں جمہوریت اور آئین کے تحت میسر بنیادی انسانی حقوق کے تحفظ کیلئے پُرامن جدوجہد میں تیزی لانے پر اتفاق کیا گیا تھا۔


متعلقہ خبریں