پی ٹی آئی چھوڑنے کے بعد شیریں مزاری کا پہلا ٹوئٹ سامنے آ گیا


سابق پی ٹی آئی رہنما شیریں مزاری کا پارٹی چھوڑنے کے بعد پہلا ٹوئٹ سامنے آیا ہے۔

ٹوئٹر پر اپنے پیغام میں ان کا کہنا تھا کہ اللہ کی نعمتوں پر شکر گزار ہوں اور آج میں 72 سال کی ہو گئی ہوں۔

اپنے پیغام میں ان کا کہنا تھا کہ زندگی میں بہت نشیب و فراز دیکھے ہیں، میں ڈیلن تھامس کی ایک نظم شیئر کر رہی ہوں جو ہمیشہ سے میری زندگی کا حصہ رہی ہے۔

شیریں مزاری نے اپنے ٹوئٹر پیغام میں کہا کہ اس نظم کی گونج ہر گزرتے سال کے ساتھ بڑھتی جا رہی ہے۔

نو مئی کے واقعات کے بعد پی ٹی آئی رہنما نے 23 مئی کو پارٹی اور سیاست چھوڑنے کا اعلان کیا تھا اوراس موقع پر نو مئی کے واقعات کی مذمت کی تھی۔


متعلقہ خبریں