محکمہ موسمیات نے ملک کے بالائی علاقوں میں بارش کی پیشگوئی کی ہے، ملک کے بیشتر علاقوں میں موسم گرم اور مرطوب رہے گا۔
آزاد کشمیر، گلگت بلتستان اور بالائی خیبر پختونخوا میں بارش متوقع ہے جبکہ اسلام آباد میں موسم گرم اور مرطوب رہے گا۔
سوات، کوہستان، مانسہرہ، ایبٹ آباد، بالاکوٹ اورشانگلہ میں بارش جبکہ گلگت بلتستان، مری، گلیات اور گردونواح میں گرج چمک کے ساتھ بارش کا امکان ظاہر کیا گیاہے۔
نئی دہلی، بارش کا 40 سالہ ریکارڈ بریک ہو گیا
دریائے چناب میں پانی کی سطح بلند ہونے سے چنیوٹ کے علاقے میں سینکڑوں ایکڑ پر کھڑی مکئی اور گنے کی فصل پانی میں ڈوب گئی، سیلابی پانی سے دس سے زائد دیہات متاثر ہوئے۔
دوسری جانب دریائے چناب میں پانی کی آمد و اخراج میں کمی واقع ہوئی ہے، ہیڈ مرالہ پر پانی کی آمد 95592 کیوسک ہے۔
