صوابی میں لوگوں کو دھمکی آمیز خطوط بھیج کر بھتہ مانگنے والے گروہ کو گرفتار کرلیا گیا۔
گروہ نے گائوں ڈاگئی کے 18 خاندانوں کو بھتہ دینے کیلئے خطوط بھیجے تھے جس میں کہا گیا تھا کہ بینک اکاؤنٹس سے پیسے نکلوا کر تیار رکھ لیں، سونا بھی گھروں پر رکھیں ، ہم وصولی کیلئے آئیں گے۔
گروہ نے بینکوں سے پیسے نہ نکلوانے اور سونا گھر پر نہ رکھنے پر قتل کی دھمکیاں دی تھیں جس پر گائوں کے لوگوں نے جرگہ طلب کیا۔
بھتہ کیوں نہیں دے رہے؟ تاجر کے گھر پر دستی بم حملہ
دوسری جانب ڈسٹرکٹ پولیس آفیسر نجم الحسن نے کہا ہے کہ خطوط بھیجنے والے گینگ کو گرفتار کرلیا گیا ہے۔ 6 رکنی گینگ سے 30 لاکھ روپے بھی برآمد کیے ہیں ، حکام کے مطابق متعلقہ خاندانوں کی رپورٹ پر کالو خان پولیس نے مقدمہ درج کرلیا ہے۔
