لاہور: سابق فاسٹ باؤلر سرفراز نواز نے پاکستانی باؤلرز کو ریورس سوئنگ سکھانے کیلئے بلامعاوضہ خدمات ییش کرنے کا اعلان کر دیا۔
ریورس سوئنگ کے موجد کہلانے والے سرفراز نواز اس وقت لندن میں مقیم ہیں اور انہوں نے چیئرمین پاکستان کرکٹ بورڈ (پی سی بی) مینجمنٹ کمیٹی ذکا اشرف کے نام خط میں 3 ہفتوں کے لیے اپنی دستیابی سے آگاہ کر دیا۔
سرفراز نواز نے ایشیا کپ اور ورلڈ کپ سے پہلے باؤلرز کو ریورس سوئنگ سکھانے کی آفر کی ہے۔
سابق باؤلرز نے لکھے گئے خط میں کہا کہ وہ چند دنوں میں پاکستان کے دورے پر آ رہے ہیں اور اس دوران وہ پاکستانی باؤلرز کی کوچنگ کے لیے 3 ہفتوں کا وقت نکال سکتے ہیں۔
یہ بھی پڑھیں: مصباح الحق سربراہ پی سی بی مینجمنٹ کمیٹی کے مشیر مقرر
سرفراز نواز نے خط میں واضح کیا کہ وہ کرکٹ ٹیم کے لیے اپنی خدمات کا کوئی معاوضہ نہیں لیں گے تاہم مینجمنٹ کو سفری اور قیام کے اخراجات برداشت کرنا ہوں گے۔
انہوں نے کہا کہ پاکستانی فاسٹ باؤلرز کو فائن ٹیون کر کے مزید بہتر پرفارمنس لی جاسکتی ہے۔
