سعودی عرب کے اسکولوں میں طالب علم کے بغیر بتائے زیادہ دن غیر حاضر رہنے پر ان کے والدین کو جیل کی ہوا کھانی پڑے گی۔
سعودی اخبار میں شائع ایک رپورٹ کے مطابق مملکت میں اگر بچہ اسکول سے بغیر کسی ٹھوس وجہ کے 20 دن تک غیر حاضر رہا تو اس کی سزا اس کے والدین کو دی جائے ۔
رپورٹ کے مطابق والدین کا غیر موجودگی کے بارے میں لاپرواہی کا مظاہرہ کرنے اور کوئی خاطر خواہ جواب نہ دینے پر اسکول انتظامیہ تعلیمی بورڈ کو شکایت کرنے کی اہل ہو گی جس کے بعد والد ین کو چائلڈ پروٹیکشن قانون کے تحت پبلک پراسیکیوشن کے ذریعے انکوائری کا سامنا کرنا پڑ سکتا ہے۔
سعودی سرکاری اسکول نجی شعبے کے حوالے
پراسیکیوٹر تفتیش مکمل کرنے کے بعد کیس کو عدالت میں پیش کرے گا جہاں جج کو یہ اختیار حاصل ہے کہ وہ والدین کے خلاف مناسب مدت کی جیل کی سزا جاری کرے۔
رپورٹ میں کہا گیا کہ یہ اقدام نئے تعلیمی سال میں ‘مثالی مطالعہ’ کو یقینی بنانے کی کوششوں کا حصہ ہے۔ تاہم محکمہ تعلیم کے حکام نے فوری طور پر کوئی تبصرہ نہیں کیا۔
