سائفر کیس میں چیئرمین پی ٹی آئی کے جوڈیشل ریمانڈ پر پی ٹی آئی کی قانونی ٹیم کا رات گئے 4 گھنٹے طویل اجلاس ہوا۔
ذرائع کا کہنا ہے کہ اجلاس میں پی ٹی آئی کی قانونی ٹیم نے اس بات پر حیرت کا اظہار کیا کہ وکیل کے بغیر ریمانڈ کیسے لے لیا گیا؟
ذرائع نے بتایا کہ پی ٹی آئی کی قانونی ٹیم کو معلوم ہی نہیں کہ چیئرمین پی ٹی آئی جوڈیشل ریمانڈ پر ہیں، چیئرمین پی ٹی آئی نے ملاقات میں بھی کسی وکیل یا اہلیہ سے جوڈیشل ریمانڈ کا ذکر نہیں کیا۔
ذرائع کے مطابق قانونی ٹیم کا کہنا تھا کہ چیئرمین پی ٹی آئی خود سائفر کیس پر ریمانڈ سے متعلق لاعلم ہیں۔
