سابق اپوزیشن لیڈر قومی اسمبلی راجہ ریاض نے کہا ہے کہ میں نے پہلے کہا تھا جب تک اپوزیشن لیڈر ہوں کسی جماعت میں شامل نہیں ہوں گا۔
ہم نیوز کے پروگرام”پاکستان ٹونائٹ ود سید ثمر عباس” میں راجہ ریاض نے کہا کہ اب میں اپوزیشن لیڈر نہیں، میرے پاس آپشن تھے، مجھ پراعتماد کرنے پر نواز شریف اورشہباز شریف کا شکریہ اداکرتا ہوں۔
نواز شریف کی واپسی پر ان کا استقبال نہیں ، جیل جانا ہو گا ، فیصل کریم کنڈی
ایک سوال کے جواب میں انہوں نے کہا اب ن لیگ میں اپنا سیاسی سفر شروع کر رہاہوں، مسلم لیگ ن کی مضبوطی کیلئے اپنا کردار ادا کروں گا،میں لندن سے نواز شریف سے پہلے پاکستان آوں گا، آج نواز شریف سے ملاقات کر کے ن لیگ میں شامل ہوا ہوں، میں نے کوئی نا کوئی فیصلہ تو کرنا تھا۔
راجہ ریاض نے کہا کہ نواز شریف نے مجھے پارٹی میں خوش آمدید کہا ہے، پاکستان میں مہنگائی پر نوازشریف سخت پریشان تھے، میں مسلم لیگ ن کی ٹکٹ کیلئے اپلائی کروں گا۔
انکا مزید کہنا تھا کہ پاکستان مسلم لیگ (ن)جو فیصلہ کرے گی وہ مجھے قبول ہوگا۔
