مسلم لیگ ن کے صدر شہبازشریف اور چیف آرگنائزر مریم نواز کے لندن مشن کی وجوہات سامنے آ گئیں۔
ذرائع کا کہنا ہے کہ مسلم لیگ ن میں دھڑے بندیوں اور بیانیے کی وجہ سے نواز شریف نے شہباز شریف کو لندن طلب کیا ہے۔ نواز شریف اب خود پارٹی میں دھڑے بندیوں سے متعلق معاملات حل کریں گے۔
شہباز شریف نے نواز شریف کی واپسی کا باضابطہ اعلان کر دیا
ذرائع نے مزید بتایا کہ لاہور کے 10 ایم پی ایز، 3 ایم این ایز کے گروپ نے شہبازشریف کو تحفظات سے آگاہ کیا ہے، مذکورہ گروپ کا مؤقف ہے کہ ہمیں استقبال کے معاملات پر نظر انداز کیا جا رہا ہے۔
دھڑے بندیوں کی خبروں پر شہباز شریف مصروفیات چھوڑ کر لندن پہنچے، نواز شریف کے حالیہ بیانات پر بھی سنجیدہ حلقوں میں تشویش کا اظہار کیا جا رہا ہے۔ نواز شریف کی جانب سے سخت فیصلوں پر کئی رہنما پہلے ہی ناراض ہیں۔
