سپریم کورٹ نے فیض آباد دھرنا نظر ثانی کیس سماعت کیلئے مقرر کردیا۔
چیف جسٹس قاضی فائز عیسی فیض آباد نظر ثانی بینچ کی سربراہی کریں گے جبکہ بینچ میں جسٹس امین الدین خان اور جسٹس اطہر من اللہ بینچ میں شامل ہوں گے۔
سپریم کورٹ 28 ستمبر کو فیض آباد دھرنا کیس کی سماعت کرے گی۔
یاد رہے کہجسٹس قاضی فائز عیسٰی نے فیض آباد دھرنا کیس میں پی ٹی آئی اور متحدہ قومی موومنٹ (ایم کیو کیو) ایم کیخلاف آبزرویشن دی تھی۔
آئی ایس آئی، وزارت داخلہ، وزارت دفاع، پیمرا اور آئی بی سمیت متاثرہ فریقین نے 15 اپریل 2019 کو نظرثانی درخواستیں دائر کی تھیں۔
فیض آباد دھرنا کیس کے فیصلہ کے بعد جسٹس قاضی فائز عیسٰی کے خلاف ریفرنس بھی دائر کیا گیا تھا۔
پی ٹی آئی اور شیخ رشید کی جانب سے نظرثانی درخواست دائر کی گئی تھی۔
سپریم کورٹ نے 2017 میں فیض آباد تحریک لبیک پاکستان (ٹی ایل پی) کے دھرنے پر از خود نوٹس لیا تھا۔
فیصلے میں وزارت دفاع کو حلف کی خلاف ورزی کے مرتکب مسلح افواج کے افسران کیخلاف کارروائی کی ہدایت کی گئی تھی۔
