ڈالرسستا ہونے سے چینی اور آٹے کی قیمتیں بھی کم ہو گئیں

انٹربینک اوراوپن مارکیٹ میں ڈالرکی مسلسل گراوٹ سےاشیاخوردونوش کی قیمتوں میں بھی نمایاں کمی آنا شروع ہو گئی۔ 

تفصیلات کے مطابق جن اشیا کی قیمت میں نمایاں کمی ہوئی ان میں مختلف برانڈ کے گھی شامل ہیں، مشہور برانڈ کے گھی کی قیمت میں 35 روپے فی کلو گرام تک کی کمی دیکھی گئی ہے،510 روپے فی کلو فروخت ہونیوالے گھی کی قیمت 475 روپے تک آگئی ہے۔

ڈالر مزید 1 روپیہ 6 پیسے سستا ہو گیا

جبکہ دوسرے کئی برانڈ کے گھی کی قیمت میں بھی 20 روپے تک کمی ہوئی ہے۔

اسی طرح چینی جو 200 روپے فی کلوگرام فروخت ہوتی رہی ہے مگر گزشتہ ایک ہفتے سے زائد عرصے کے دوران چینی 155 روپے سے 180 روپے فی کلو گرام تک مارکیٹ میں مل رہی ہے۔

گھی اور تیل 34 روپے تک سستا ہو گیا

آٹے کا 20 کلو کا تھیلا 2800 روپے اور کہیں 2850 روپے تک بکتا رہا اب 2700 روپے سے 2750 روپے تک فروخت ہو رہا ہے۔