بیروت: شام کی فوجی اکیڈمی مین ڈرون حملے سے 100 سے زائد افراد جاں بحق 125 سے زائد زخمی ہو گئے۔
غیر ملکی خبر رساں ایجنسی کے مطابق فوجی اکیڈمی میں ہونے والے ڈرون حملے میں جاں بحق ہونے والوں میں 14 عام شہری بھی شامل ہیں۔
فوجی اکیڈمی میں حملے سے کچھ دیر قبل شام کے وزیر دفاع تقریب میں شرکت کے بعد روانہ ہوئے تھے۔ شام میں 12 سالہ خانہ جنگی کے دوران یہ ڈرون حملہ سب سے مہلک ترین ہے جس میں شامی فوج کو نشانہ بنایا گیا۔
یہ بھی پڑھیں: مقبوضہ کشمیر: بھارتی فوج کے میجر نے اپنے ہی افسران پر فائرنگ کر دی
شامی وزارت دفاع کے مطابق دہشت گردانہ حملے کے لیے ڈرون کا استعمال کیا گیا اور اس میں فوجی اور سویلین کی بڑی تعداد جان سے ہاتھ دھو بیٹھی ہے۔
فوجی اکیڈمی پر حملے کی ذمہ داری اب تک کسی گروپ نے قبول نہیں کی اور نہ ہی حکومت کی طرف سے کسی کا نام لیا گیا ہے۔
