اسلام آباد: ملالہ یوسف زئی نے غزہ کے اسپتال پر اسرائیلی بمباری کی جن الفاظ میں مذمت کی اس پر معروف پاکستانی مصنفہ فاطمہ بھٹو نے انہیں آڑے ہاتھوں لے لیا۔
معروف پاکستانی مصنفہ فاطمہ بھٹو نے ملالہ یوسف زئی کے ویڈیو بیان پر ردعمل دیتے ہوئے کہا کہ آپ اسے وہی بولیں جو ہے یعنی فلسطینیوں کی نسل کشی۔
فاطمہ بھٹو نے ملالہ کو آڑے ہاتھوں لیتے ہوئے کہا کہ “اسرائیل کو اس کے نام سے پکاریں یعنی نسل پرست ریاست”۔
Call it what it is: a genocide.
Call Israel by its name: an apartheid state. https://t.co/LNzWMmYgBY— fatima bhutto (@fbhutto) October 17, 2023
واضح رہے کہ گزشتہ روز ملالہ یوسف زئی نے غزہ کے اسپتال پر حملے کی مذمت کی تھی اور سوشل میڈیا پلیٹ فارم ایکس پر جاری ویڈیو بیان میں کہا تھا کہ میں غزہ کے اسپتال پر بمباری دیکھ کر خوفزدہ ہوں اور اس کی پرزور الفاظ میں مذمت کرتی ہوں۔
ملالہ نے اسرائیلی حکومت پر زور دیا تھا کہ وہ غزہ میں انسانی امداد بھیجنے کی اجازت دے اور جنگ بندی کی جائے۔
گزشتہ روز اسرائیل کی جانب سے غزہ شہر کے الاہلی عرب اسپتال پر اسرائیلی قوج کی جانب سے فضائی حملے کیے گئے تھے جس کے نتیجے میں 800 سے زائد افراد شہید جبکہ سینکڑوں زخمی ہو گئے تھے۔
