خیبرپختونخوا حکومت نے صحت کارڈ پروگرام کے لیے 2 ارب روپے جاری کر دیے۔ جس کے بعد صوبے میں مفت علاج کی سہولت بحال ہو گئی ہے۔
خیبرپختونخوا حکوم ت کے مشیر صحت ڈاکٹر ریاض انور نے کہا ہے کہ فنڈز کی کمی کے باعث صحت کارڈ سروس بند کی گئی تھی۔ تاہم حکومت نے صحت کارڈ پروگرام کے لیے 2 ارب روپے جاری کردیے ہیں جس کے بعد صحت کارڈ پر پھر سے مفت علاج کی سہولت بحال کردی گئی ہے۔
خیبر پختو نخوا، عدم ادائیگیوں پر صحت کارڈ پر علاج بند
مشیر صحت کا مزید کہنا ہے کہ ایم ٹی آئی اسپتالوں میں بعض ترقیاتی کاموں پرپابندی لگائی ہے لہٰذا اسپتالوں کی انتظامیہ نئی عمارتیں بنانے کی بجائے علاج پر توجہ دے۔
دو دن قبل اسٹیٹ لائف انشورنس کمپنی نے پینل اسپتالوں کو مراسلہ بھیج دیا تھا جس میں کہا گیا تھا کہ اسپتالوں کو 19 اکتوبر سے نئے مریضوں کے داخلے عارضی طور روکنے کا کہا گیا ہے تاہم صحت کارڈ پلس کے ہیلتھ ڈیسک فعال رہیں گے جو ادائیگی کے زیر التواء کیسز نمٹائیں گے۔
