انٹرنیشنل کرکٹ کونسل (آئی سی سی) پاکستان اور جنوبی افریقا کے درمیان ورلڈ کپ میچ میں ڈی آر ایس سسٹم کی غلطی تسلیم کر لی۔
گزشتہ روز چنئی میں کھیلے گئے میچ میں جنوبی افریقہ نے پاکستان کو سنسنی خیز مقابلے کے بعد ایک وکٹ سے شکست دی تھی۔
ایک موقع پر جب پاکستان کو جیت کے لیے ایک وکٹ اور جنوبی افریقا کو 8 رنز درکار تھے، تو حارث رؤف کی ایک گیند جنوبی افریقی بیٹر تبریز شمسی کے پیڈ پر لگی ، ایل بی ڈبلیو کی اپیل پر امپائر کی جانب سے جواب نہ آنے پر پاکستان نے ریویو لیا۔
آئی سی سی نے سلیم ملک کو ویٹرن کرکٹ کھیلنے کی اجازت دے دی
ریویو میں دیکھا گیا کہ گیند اسٹمپس سے ٹکرا رہی ہے لیکن اس کا آدھے سے زیادہ حصہ باہر ہے جس کے باعث قوانین کے تحت امپائر کے فیصلے کو برقرار رکھتے ہوئے تھرڈ امپائر نے تبریز شمسی کو ناٹ آؤٹ قرار دیا۔
جنوبی افریقا کی اننگز کے 19 ویں اوور میں اسامہ میر کی ایک گیند جنوبی افریقی بیٹر ریسی وین ڈر ڈوسن کے پیڈ پر لگی، اسامہ میر کی اپیل پر امپائر پال ریفل نے انہیں آؤٹ قرار دیا۔ امپائر کے فیصلے کے خلاف ریویو لیا گیا اور جب ٹی وی پر ڈی آر ایس ٹیکنالوجی کے ذریعے گیند کو دکھایا گیا تو اسامہ میر کی فلیپر گیند کو پہلے وکٹوں سے بہت باہر جاتے دکھایا گیا لیکن کچھ ہی لمحے بعد ایک اور ٹی وی ری پلے دکھایا گیا جس پر گیند وکٹوں کو چھو رہی تھی۔
آئی سی سی ون ڈے رینکنگ جاری، بابراعظم پہلے نمبر پر براجمان
یہ معاملہ سامنے آنے کے بعد آئی سی سی کو سوشل میڈیا پر شدید تنقید کا سامنا کرنا پڑا، اس کے علاوہ سابق بھارتی کرکٹر ہربھجن سنگھ اور دیگر نے بھی فیصلے پر تنقید کی، جس پرآئی سی سی نے اپنی غلطی تسلیم کرتے ہوئے بتایا کہ پہلے دکھائے گئے ڈی آر ایس ری پلے میں غلطی تھی جبکہ دوسرا ڈی آر ایس ری پلے درست تھا اس لیے وین ڈر ڈوسن کو 21 رنز پر آؤٹ قرار دیا گیا کیونکہ اسامہ میر کی گیند سیدھی وکٹوں کو چھو رہی تھی۔
