پاکستان کرکٹ ٹیم کے سابق کپتان محمد یوسف نے بھارتی ٹیم کے حوالے سے پیش گوئی کی ہے کہ روہت شرما کی قیادت والی ٹیم آئی سی سی ورلڈ کپ 2023 میں ناقابل شکست رہے گی ۔
تفصیلات کے مطابق سابق ٹیسٹ کرکٹر محمد یوسف نے کہا کہ مجھے بھارتی ٹیم میں کوئی کمزوری نہیں نظرآرہی یہی وجہ ہے کہ وہ ورلڈکپ کی ٹرافی اٹھانے کیلئے فیورٹ ہے۔
پاکستان کرکٹ ٹیم نے سب ٹیموں کو پیچھے چھوڑ دیا
انہوں نےکہا کہ بھارت کے پاس بہترین بلے باز ، بولر اور بہترین فیلڈنگ ہےاور جس طرح سے وہ اب تک پورا ایونٹ کھیلتے آئے ہیں ایسا لگ رہا ہے کہ دومضبوط ٹیموں کے مابین سخت مقابلہ متوقع ہے۔
پاکستان سیمی فائنل میں کیسے جا سکتا ہے؟ پوزیشن واضح ہو گئی
محمد یوسف کا کہنا تھا کہ مجھے یقین ہے کہ بھارت ٹورنامنٹ میں کوئی میچ نہیں ہارے گا لیکن اگر انہیں شکست کا سامنا کرنا پڑا تو ان کیلئے یہ بدقستمی ہو گی۔
خیال رہے کہ بھارت اس وقت پوائنٹس ٹیبل پر ٹاپ کی پوزیشن پربراجمان ہے وہ ابھی تک اپنے 8 میچز میں کسی ٹیم سے کوئی مقابلہ نہیں ہاری ہے۔
