حکومت نے آئندہ 15 روز کے لیے پیٹرولیم مصنوعات کی قیمتوں میں کمی کا اعلان کر دیا۔
وزارت خزانہ کی جانب سے جاری نوٹی فکیشن کے مطابق پیٹرول کی قیمت میں 2 روپے 4 پیسے فی لیٹر جب کہ ڈیزل کی قیمت میں 6 روپے 47 پیسے فی لیٹر کمی کی گئی۔
اس کمی کے بعد پیٹرول کی نئی قیمت 281 روپے 34 پیسے جب کہ ڈیزل کی نئی قیمت 296 روپے 71 پیسے ہو گئی ہے۔
اس کے علاوہ مٹی کا تیل 6 روپے 5 پیسے کی کمی کے بعد 204 روپے 98 پیسے فی لیٹر ہو گئی ہے۔ لائٹ ڈیزل کی قیمت 9 روپے 1 پیسے کی کمی کے بعد 180 روپے 45 پیسے ہو گئی۔
نئی قیمتوں کا اطلاق آج رات 12 بجے کے بعد ہو گا۔
