ملک کے بیشتر علاقوں میں موسم سرد اور خشک رہے گا ، جبکہ بعض مقامات پر دھند چھائے رہنے کا امکان ہے۔
محکمہ موسمیات کے مطابق پیر کے روز ملک کے بیشتر علاقوں میں موسم خشک جبکہ بالائی علاقوں میں سرد رہے گا ، اس کے علاوہ پنجاب کے بیشتر اضلاع میں موسم خشک رہے گا، مری، گلیات میں موسم سرد رہے گا۔
صبح اور رات کے وقت لاہور، سرگودھا،فیصل آباد، شیخوپورہ ، سیالکوٹ ، گوجرانوالہ، نارووال ، حافظ آباد ، اوکاڑہ ، سا ہیوال، منڈی بہاؤالدین، جھنگ ،ٹوبہ ٹیک سنگھ، خانیوال ،ملتان ، بہا ولپور ، ڈیرہ غا زی خان ، جیکب آباد،سکھر ، گھوٹگی ، لاڑکانہ ، کشمور اور گردوانوح میں دھند کا امکان ہے ۔
موسم سرد اور خشک رہیگا ، کئی شہروں میں دھند کا امکان
رپورٹ کے مطابق منگل اور بدھ کے روز بھی پنجاب، بالائی سندھ، اور خیبر پختونخوا کے میدانی علاقوں میں رات اور صبح کے اوقات میں دھند،سموگ کا امکان ہے جبکہ بیشترمقامات پر موسم خشک جبکہ بالائی علاقوں میں سرد رہے گا ۔
